Les eller lytt til innlegga frå den oppdikta nettstaden www.ungdomseksperten.no.

Du må ha javascript og Flash for å sjå dette innhaldet

Spørsmål og svar til ungdomseksperten

Spørsmål:
Hei!

Eg er ei jente på 15 år med eit stort problem. Eg kranglar alltid med bror min, og eg har lett for å seie veldig stygge ting til han. Nesten alltid ser eg at han får tårer i auga, sjølv om han er gut og nesten like gammal som eg sjølv. Etter slike kranglar blir eg veldig lei meg, for eg meiner eigentleg ikkje å såre bror min – og bror min kan eigentleg ikkje så mykje for at eg blir sint. Kva kan eg gjere for å behalde roa?

Else (15)

Svar:
Hei, Else!

Det er ofte slik at vi lèt frustrasjonen vår gå ut over dei aller nærmaste og dei vi er aller tryggast på, så det er heilt normalt at du blir sint innimellom. Det er likevel viktig å stoppe den negative oppførselen når det blir til eit stort problem for både deg og bror din. Derfor er det fint at du ønskjer å forandre på oppførselen din.

Først av alt bør du be bror din om unnskyldning for at du så ofte oppfører deg som ein dritsekk. Forklar han at raseriutbrota kjem fordi du sjølv er sur og tverr, ikkje fordi han har gjort noko gale eller oppført seg på ein dum måte.

Dessutan bør du finne teknikkar som du kan bruke når du kjenner at raseriet er i ferd med å gripe fatt i deg. Det kan faktisk vere lurt å telje sakte til hundre, seie alfabetet baklengs, be ei stille bønn eller springe tre gonger rundt huset. Finn ein teknikk som passar for deg!

Dersom du framleis føler at det er vanskeleg å meistre sinnet ditt, kan du for eksempel snakke med helsesystera eller sosiallæraren på skulen din. Kanskje har du opplevd noko som er vanskeleg, i livet ditt? Då kan det vere greitt å ha nokon vaksne å snakke med.

Helsing ungdomseksperten
Kva for tre løysingar foreslår ungdomseksperten i svarbrevet sitt?
Kva for lesarar må ungdomseksperten ha i tankane når ho legg ut svara sine på ein nettstad?

Mål med aktiviteten:

Du skal kunne foreslå og grunngi ulike løysingar på eit problem.
Du skal kunne ta omsyn til mottakaren når du skriv.

Runde 1: Skriv spørsmål til www.ungdomseksperten.no

Gå saman i grupper på fire elevar.
Trekk eit situasjonskort kvar.
Skriv situasjonsskildringa om til eit spørsmål på ein lapp. Lat som om spørsmålet skal sendast inn til ei svarteneste på nettstaden www.ungdomsekseperten.no.

Runde 2: Skriv eit svar frå www.ungdomseksperten.no (pararbeid)

Del gruppa opp i to par. Para byter lappar med kvarandre.
Avgjer kva for eit av dei to spørsmåla frå det andre paret de vil svare på.
Kast terning for å avgjere kva slags omsyn de skal ta når de skriv svarbrevet. Tenk dykk at terningkastet gir dykk bakgrunnskunnskap om personen som har sendt inn spørsmålet.

Første kast
Andre kast

Bruk denne terningen dersom du fekk 1, 2 eller 3 i første kast:
Bruk denne terningen dersom du fekk 4, 5 eller 6 i første kast:
Tenk ut tre mogelege løysingar på spørsmålet frå innsendaren. Der det er mogeleg, tek de omsyn til den bakgrunnskunnskapen de har om han eller henne.
Skriv svaret til innsendaren. Hugs at svaret skal kunne lesast både av innsendaren og av andre som besøkjer nettsida.
La svaret innehalde fem avsnitt. La kvart avsnitt innehalde fem ytringar.