Ein elev skriv på eit lesarbrev om freding av norske rovdyr og har laga tre forskjellige innleiingar til lesarbrevet. Les eller lytt til teksten.

Du må ha javascript og Flash for å sjå dette innhaldet

Tre innleiingar til lesarbrev

Ein elev skriv på eit lesarbrev om freding av norske rovdyr og har laga tre forskjellige innleiingar til lesarbrevet:

A Tenk deg at du er på veg til skulen som vanleg. Du aner fred og ingen fare. Plutseleg høyrer du noko leven mellom trea. Redselen grip fatt i deg når du oppdagar ein ulv som stirer intenst på deg. Heilt urealistisk? Nei, ikkje her i Rendalen.

B Sauehald har tradisjonelt vore ei viktig inntektskjelde for mange bønder. Ein politikk som tek sikte på å verne dei store rovdyra, er ein trussel mot næringsverksemda i Østerdalen og vil føre til at endå fleire bønder må leggje ned drifta. Ønskjer stortingspolitikarane at Østerdalen skal bli avfolka?

C Sidan eg var ti år, har eg ått mine eigne sauer. Om somrane har eg passa på at sauene mine har det bra på beite. I fjor opplevde eg marerittet: Ein bjørn hadde angripe sauene mine og flerra dei opp med dei kraftige klørne sine. Det var vondt å sjå dyra mine slik, særleg sauen som framleis levde, men med magesekken hengande ut av kroppen.
Kva for syn trur de at eleven har på norsk rovdyrpolitikk? I kva for ei av innleiingane
- legg eleven mest vekt på sine eigne kjensler?
- legg eleven mest vekt på kjenslene til lesaren?
- legg eleven mest vekt på å framstå som kunnskapsrik?

Mål med aktiviteten: Du skal kunne opne eit diskusjonsinnlegg på ulike måtar for å fange interessa til tilhøyrarane.

VARIANT 1

Gå saman i grupper
Kvar gruppe trekkjer eit temakort.
Alle på gruppa kastar terning. Den som får det høgaste talet, begynner.
Den som begynner, skal kaste terningen to gonger for å avgjere kva slags innleiing innlegget om temaet skal ha.

Første kast
Andre kast

Bruk denne terningen dersom du fekk 1, 2 eller 3 i første kast:
Bruk denne terningen dersom du fekk 4, 5 eller 6 i første kast:

Eleven skal fortelje til dei andre på gruppa korleis innleiinga til innlegget kan vere. Gruppa skal gi positiv tilbakemelding på gode idear og stille spørsmål som kan hjelpe eleven vidare.
Når alle deltakarane har gitt tilbakemelding, går turen vidare til eleven som sit til venstre for den som kasta sist.
Følg den same oppskrifta heilt til alle elevane har tenkt høgt rundt ei mogeleg innleiing til temaet.
Til slutt skal kvar elev skrive innleiinga si. La innleiinga innehalde mellom fem og sju ytringar.

VARIANT 2

Kvar spelar får ei spelebrikke og plasserer brikka i startfeltet på spelebrettet.
Kast terning om kven som skal begynne. Den som får det høgaste terningkastet, begynner.
Den første spelaren trekkjer eit temakort.
Spelaren skal kaste terningen to gonger for å avgjere kva slags innleiing innlegget om temaet skal ha.

Første kast
Andre kast

Dersom du fekk 1, 2 eller tre i første kast, bruk denne terningen:
Dersom du fekk 4, 5 eller seks i første kast, bruk denne terningen:

Spelaren snur timeglaset og begynner å snakke. Innlegget blir avbrote når timeglaset er tomt.
Dersom spelaren klarer å lage ei innleiing i tråd med instruksen, får han eller ho kaste terningen på nytt.

Spelaren får flytte spelebrikka si framover like mange plassar som terningen viser. La spelaren flytte brikka dersom de er i tvil. Flytt brikka langs den raude løypa på spelebrettet. Dersom spelaren ikkje greier oppgåva, går turen vidare til neste spelar.
Nestemann trekkjer eit nytt temakort og lagar ei innleiing. Kast terningen to gonger for å avgjere kva slags innleiing innlegget om temaet skal ha. Den spelaren som kjem først i mål, har vunne.

Første kast
Andre kast

Bruk denne terningen dersom du fekk 1, 2 eller 3 i første kast:
Bruk denne terningen dersom du fekk 4, 5 eller 6 i første kast:

Eit lite tips
De kan også bruke heile spelebrettet når de speler, slik at brikkene følgjer dei grøne pilane i eit sikksakkmønster mot mål.