Oppvarming:

- Friminutta er dagens høgdepunkt

- Elevane bør få bevege seg fritt i matpausen

- Vaktselskap bør ta over inspeksjonsrundar for lærarar

Det er mogeleg å påstå at dei tre overskriftene ovanfor til ein viss grad dreier seg om det same. Kva for eit tema er felles for dei tre overskriftene?
Studer overskriftene ved å telje opp kor mange bokstavar det er i kvar linje. Kva trur de kan vere grunnen til at avisredaksjonar må ha ei bestemt linjelengd på overskriftene sine?

Mål med aktiviteten:

Du skal kunne utvikle eit synspunkt med utgangspunkt i eit oppgitt tema.
Du skal kunne formulere dette synspunktet i form av overskrifter med ulik lengd.

Runde 1: Finn synspunkt

Trekk eit temakort.
Finn seks synspunkt med utgangspunkt i dette temaet. Samarbeid med makkeren din om å skrive dei seks synspunkta.

Synspunkt:

Runde 2: Lag overskrifter med ulik lengd

Kast terningen. Terningkastet viser kva for eit av dei seks hovudsynspunkta de skal arbeide vidare med.
Lag forslag til tre forskjellige overskrifter. Unngå bindestrek på slutten av linja.

A Overskrift over to linjer med mellom 10 og 16 bokstavar på kvar linje.

B Overskrift med mellom 15 og 20 bokstavar på éi linje.

C Overskrift over to linjer med mellom 15 og 21 bokstavar på kvar linje.