Korleis kan det ha seg at «Kloke Kevin» har fått tilnamnet sitt?
- Lag éi forklaring som viser at Kevin har brukt klokskapen sin for å løyse problem for andre.
- Lag éi forklaring som viser at Kevin er så klok at han skaper problem for andre.
Kva er forskjellen på å vere klok og å vere for klok? Finst det andre eigenskapar som berre er gode inntil eit visst punkt?

Mål med aktiviteten: De skal kunne framstille eigenskapane til ein person ved hjelp av skildringar, replikkar og tankereferat.

Runde 1: Bestem eigenskapar

Gå saman i par.
Kast terningen for å finne ut kven som skal vere hovudperson i forteljinga:

Første kast
Andre kast

Bruk denne terningen dersom du fekk 1, 2 eller 3 i første kast:
Bruk denne terningen dersom du fekk 4, 5 eller 6 i første kast:

Runde 2: Lag ei skildring av personen

Skriv ned stikkord om hovudpersonen:
- namn og alder
- utsjånad (frisyre, klesstil og liknande)
- familiebakgrunn
Diskuter kva som er typisk for kroppsspråket til hovudpersonen. Skriv stikkord.

Runde 3: Skriv standardreplikkane til personen

Dikt opp tre standardreplikkar som hovudpersonen ofte seier.
Samarbeid om å skrive ein kort samtale mellom hovudpersonen og ein annan person på lista over. Gi kvar person fem replikkar.

Runde 4: Skriv tankereferat

Skriv kvar dykkar tankereferat der personen fortel om noko han eller ho ofte irriterer seg over.
Les teksten opp for den du samarbeider med.

Runde 5: Skriv ei forteljing

Skriv kvar dykkar forteljing om korleis det går når dei to hovudpersonane dykkar møtest på ein litt uventa stad. Legg stor vekt på personskildringane.
Bruk alle dei fire forteljemåtane – skildringar, replikkar, tankereferat og handlingsreferat.