Eit manuskript til eit skodespel inneheld ofte beskjedar til dei ulike yrkesgruppene i eit teater. For eksempel kan manuskriptet innehalde informasjon som fortel

at lydteknikarane skal spele av fuglelydar
at lysteknikarane skal dempe lyset på scenen
at scenearbeidarane skal plassere kulisser og rekvisittar på ein bestemt måte
at skodespelarane skal ha på seg spesielle kostyme

Scenetilvisingane er gjerne utheva med anna skrift enn replikkane. Ofte er scenetilvisingane skrivne med skråstilt skrift (kursiv) og plasserte i parentesar. Viss skodespelet er skrive i tabellformat, kan replikkane stå i éin kolonne, mens scenetilvisingane står i ein annan kolonne.