Velkommen til nettstaden til Sjangerboksen!
Her kan du blant anna lytte til og lese eksempeltekstar og lærestoff om sjangrane diskusjonsinnlegg, kåseri, forteljing/novelle og drama. Oppgåvene til dei forskjellige sjangrane er bonusmateriale, og finst berre på nettstaden.
På nettstaden kan du også skrive og lagre dine eigne tekstar i dei fire nemnde sjangrane og sende dei direkte til læraren din. Under menypunktet Tekstsenter kan du lese elevtekstane som læraren har valt å gjere tilgjengeleg for alle. Desse tekstane blir også synlege i ein av boksane på denne sida.
Diskusjonsinnlegg
Stygg språkbruk frå sidelinja
Sist torsdag blei eg skremd av meg sjølv. Eg følgde ein smågutkamp frå sidelinja. Då sonen min blei blåsen av for offside, kalla eg den 16 år gamle dommaren for «eit blindt misfoster». Det var ikkje pent sagt. Dessverre finst det etter kvart mange foreldre som oppfører seg dårleg på sportsarrangement.
I Brønnøysunds Avis les eg at foreldre og trenarar fleire gonger i fjor var i basketak med dommaren etter kampen. Er fotball verkeleg så viktig at vi er villige til å slåst med nevane mens barna våre ser på? Svaret mitt er nei. Foreldre og vaksne må vere gode førebilete. Fotball er leik, ikkje alvor (...)
Drama
Frå ei stille jente
Tretti par auge stirar på meg. Eg vågar ikkje å sjå opp, så eg borar blikket djupt ned i golvet for å sleppe å sjå dei. Dei ventar på at eg skal seie noko feil, og da kjem latterbrøla. Eg har gløymt kva eg skulle seie, og orda mine forsvinn ein stad i lufta. Stemma mi strekkjer ikkje til. Papiret blir fuktig av dei skjelvande hendene mine. Kinna mine brenn. Dei ser kor nervøs eg er, luktar seg fram til redsla mi. Kvifor er eg her? Eg må ut før eg blir kvelt. [---]
Anonym
Forteljing
Kongens draum
Da sa Finn: «Kva drøymde du, konge, med di du tykkjer det var slik skade at du ikkje vakna av deg sjølv?»
Da fortalde kongen draumen sin, at han tykte han såg ein høg stige, og at han gjekk opp etter den så langt opp i lufta at han tykte han såg himmelen opna seg, og så langt nådde stigen. «Eg var nett kommen på det øvste steget,» sa han, «da du vekte meg.» Finn svara: «Eg synest ikkje denne draumen er så god som du synest. Eg tenkjer dette varslar at du er feig, såframt det er noko anna enn søvnørske som kom føre deg.» [---]
Snorre Sturlason
Kåseri
Samtaler på bussen.
Æ har vorre på busstur og blei settanes et par sæta bak et stilig og oppstasa par i 20-åran. I løpet av to tima skulle æ få vite det mæste om dæmmers forhold til kværainner, bading, kropp og knekkebrød.
I det bussen begynne å bevege sæ, sei ho med høg og klar stemme:
-Åhh, æ glede mæ te vi kjæm frem. Vi har boblebad. Æ ska ligg i boblebadet te æ bli helt rynkat.
-Å ja, svare han.
-Vil du vær med mæ i boblebadet?
-Ja det vil æ. Høhø. Boblebobleboble.
De flira, og æ høre nån, ja for å sei det rett ut, susselyda, og så sei ho:
-Det va ikke lett førr mæ å si te dæ at æ ælska dæ.
- Du va jo full! (...)
av Marianne Meløy
